Il-Papa bagħat messaġġ bil-vidjo lill-poplu tal-Bangladesh

Print Friendly, PDF & Email

Il-Papa Franġisku bagħat messaġġ bil-vidjow biex isellem u jbierek lill-poplu tal-Bangaldesh hekk kif qiegħed iħejji ruħu biex imur iżur lil dak in-nazzjon fuq żjara pastorali li se ssir bejn it-30 ta’ Novembru u t-2 ta’ Diċembru li ġej. Din se tkun it-tieni parti tal-vjaġġ appostoliku għax bejn is-27 u t-30 ta’ Novembru se jkun qed iżur il-Myanmar.


Fil-messaġġ il-Papa qal li jinsab ħerqan li jkun mal-poplu tal-Bangladesh biex ikun jista’ jxandar il-messaġġ evanġeliku tar-rikonċiljazzjoni, tal-maħfra u l-paċi.
Huwa qal ukoll li l-laqgħa li se jkollu mal-mexxejja reliġjużi hi ta’ tifsir kbir.

Franġsiku stqarr li qed ngħixu fi żminijiet meta min jemmen u kull min hu ta’ rieda tajba, kullimkien, għandu sejħa biex jaħdem ħalli bħala membru tal-familja umana jġib il-ftehim reċiproku, ir-rispett u biex kulħadd ikun ta’ għajnuna għal għajru.

Mill-Kamra tal-Aħbarijiet ta’ Radju Marija

Author: Joe Farrugia

Segretarjat għal-Lajċi.

Leave a Reply

%d bloggers like this: