Il-Kummissjoni Interdjoċesana Ambjent tavża li se tkun qed tagħlaq iċ-ċelebrazzjonijiet għax-Xahar tal-Ħolqien b’quddiesa fil-Knisja ta’ Santa Marija ta’ Ġesù r-Rabat, immexxija mill-Isqof Awżiljarju l-Eċċ. Tiegħu Mons. Joe Galea Curmi, nhar il-Ħadd 7 ta’ Ottubru fil-11.00am. Wara jkun hemm riċeviment żgħir fil-ġonna tal-kunvent.
Kulħadd mistieden jattendi għal din iċ-ċelebrazzjoni li tgħaqqadna flimkien f’mument speċjali li fih nitaqgħu u nitolbu flimkien.