L-Erbgħa 3 ta’ Ottubru 2018: Dalgħodu fetħet fil-Vatikan il-Ħmistax-il Assemblea Ġenerali Ordinarja tas-Sinodu tal-Isqfijiet. It-tema tal-laqgħat li ser jibgħu sejrin sat-28 ta’ Ottubru hija, “Iż-Żgħażagħ, il-Fidi u d-Dixxerniment Vokazzjonali.”
Matul l-omelija tiegħu waqt il-Quddiesa il-Papa tkellem dwar il-ħila li noħolmu u nittamaw, b’tama li tisfidana u ċċaqlaqna u tfarrak il-konformiżmu ta’ “għax dejjem hekk sar”. Hija tama li titlob minna li nħabirku biex indawru s-sitwazzjonijiet ta’ prekarjetà, ta’ esklużjoni u ta’ vjolenza, li għalihom huma esposti ż-żgħażagħ tagħna.
Ħin minnhom, waqt li ħabbar li b’riżultat tal-ftehim li ntlaħaq ftit jiem ilu mal-Gvern Komunista ta’ Beijing, kien hemm magħhom għall-ewwel darba żewġ Isqfijiet Ċiniżi, il-Papa Franġisku deher imqanqal ħafna.
Ara l-filmat …
https://www.youtube-nocookie.com/embed/qo3TMDoyXr0?rel=0
Ara wkoll l-Omelija tal-Papa …
http://www.laikos.org/Papa_Frangisku_Omelija_Ftuh-Sinodu_03102018.htm