L-Anġlu tad-Dar


‘L-Anġlu tad-Dar’ – spettaklu tal‐Milied mill‐iskola tas‐Seminarju Minuri.capture.png

Kull dar għandha anġlu biex iħares lil min jgħix għall-kenn tal-ħitan tagħha … imma l-imsejken anġlu Tonio ilu snin ma jara lil xi ħadd fid-dar li kien jieħu ħsieb! L-affarijiet jinbidlu meta xi tfal jidħlu f’din id-dar u minn hemm jibdew serje ta’ inċidenti li jwasslu biex l-anġlu Tonio jwettaq l-aħħar missjoni tiegħu …

‘L-Anġlu tad-Dar’ hu spettaklu ta’ reċtar, kant, mużika u żfin li l-istudenti u l-istaff tal-iskola tas-Seminarju Minuri tal-Qalb ta’ Ġesù, tar-Rabat, Għawdex se ttella’ nhar il-Ġimgħa, 14 ta’ Diċembru, 2018 ġewwa t-Teatru Astra fis-7:00pm, fuq kitba ta’ Alexander G Farrugia u direzzjoni ta’ Paul Rapa.

Il-biljetti jistgħu jinxtraw mill-iskola tas-Seminarju Minuri waqt il-ħin tal-iskola jew billi ċċempel fuq 99228506 jew inkella tibghat imejl fuq arnaud.bouvier@gozoseminary.com