Il-Papa Franġisku lesta d-dokument dwar is-Sinodu tal-Isqfijiet tal-Amażonja li sar fil-Vatikan is-sena li għaddiet fejn kien hemm proposti dwar l-ordinazzjoni saċerdotali għal irġiel miżżewġa fid-disa’ pajjiżi tar-reġjun u għoti ta’ ministeri ġodda għan-nisa fil-Knisja. Suġġett ieħor tas-Sinodu kien il-qerda ambjentali fir-reġjun tal-Amażonja. Id-dokument, forsi l-iktar wieħed mistenni fis-seba’ snin li Franġisku ilu Papa, qed jiġi rivedut biex wara li jsiru t-traduzzjonijiet jiġi mqassam fl-aħħar ta’ Jannar jew fil-bidu ta’ Frar.