Niċċelebraw il-55 anniversarju li l-abbatini Maltin ilhom imorru l-Vatikan

Nhar il-Ħadd 15 ta’ Marzu 2020 se jiġi ċċelebrat l-55 anniversarju li l-abbatini Maltin ilhom imorru l-Vatikan biex jagħtu s-servizz liturġiku tagħhom fil-Bażilika ta’ San Pietru. L-Isqof Awżiljarju Joseph Galea-Curmi, li mar il-Vatikan bħala abbati fl-1984, se jiċċelebra Quddiesa dkinhar fil-Katidral ta’ San Ġwann, il-Belt. Il-Quddiesa tibda fid-9:15am.

Hi okkażjoni tajba biex dawk li kienu abbatini tal-Vatikan jerġgħu jiltaqgħu ma’ sħabhom u jiftakru fiż-żmien li qattgħu flimkien hemmhekk. L-abbatini li telgħin fis-sajf li ġej huma mistiedna jattendu wkoll.