Nifs ġdid ieħor f’ħajti permezz tal-programm Jum Ġdid

Hekk nista’ tabilħaqq insejħilha l-esperjenza li l-Mulej tani grazzja nwettaq matul ix-xahar ta’ Jannar 2020 li fih kelli l-opportunità li nieħu sehem fil-programm li bih jinfetaħ il-jum ma’ NET FM, Jum Ġdid. Dan il-programm, li hu mtella’ u mxandar mill-preżentatur bravu Noel Bartolo, jixxandar mit-Tnejn sas-Sibt mill-5am sas-6am fuq NET FM. Continue reading Nifs ġdid ieħor f’ħajti permezz tal-programm Jum Ġdid

Ħinijiet aġġornati ta’ talb mill-Kurja

L‑Uffiċċju Komunikazzjoni tal‑Kurja tal‑Arċisqof jixtieq javża li ġew aġġornati l‑ħinijiet ta’ talb li qed jixxandar fuq TVM2, il‑website uffiċjali tal‑Arċidjoċesi ta’ Malta Knisja.mt u n‑newsportal Newsbook.com.mt.

Mit‑Tnejn sal‑Ħadd ser tixxandar Quddiesa kuljum fid‑9:30 a.m. Is‑Sibt tixxandar Quddiesa oħra mis‑Santwarju Ta’ Pinu, Għawdex, fis‑6:30 p.m.

Mit‑Tnejn sal‑Ġimgħa ser jixxandar ukoll Rużarju fil‑5:30 p.m.

Dawn il‑bidliet fil‑ħinijiet jidħlu fis‑seħħ minn għada s‑Sibt 14 ta’ Marzu.

Lourdes f’dawn il-ġranet

Ir-rettur tas-santwarju qal li Lourdes tibqa’ “l-qalb tad-dinja li titlob”. Qed isir it-talb quddiem il-grotta, b’mod limitat. Ikun hemm Quddiesa, fuq ‘Lourdes Direct’. Se ssir novena ta’ talb mis-17 sat-22 sal-25 ta’ Marzu, bir-rużarju kuljum b’4 lingwi, Franċiż, Ingliż, Taljan u Spanjol. https://www.lourdes-france.org/en/our-lady-of-lourdes-pray-for-usnovena-to-the-immaculate/

Tista’ ssegwi trasmissjoni diretta kuljum u f’kull ħin mill-Grotta ta’ Lourdes minn din il-paġna tal-Laikos …  http://www.laikos.org/tvl-nitolbu.html

Rapport minn Joe Galea

Il-Papa f’Santa Marta: Rgħajja qrib il-poplu, il-miżuri drastiċi mhux dejjem tajbin

Il-Ġimgħa, 13 ta’ Marzu 2020: Illum, il-jum li fih jagħlaq seba’ snin minn mindu ġie maħtur bħala s-Suċċessur ta’ San Pietru, fil-bidu tal-quddiesa fil-kappella tad-Dar Santa Marta, il-Papa Franġisku kompla jitlob għal kull min hu milqut bil-coronavirus u għall-familji tagħhom u talab ukoll għar-rgħajja li jakkumpanjaw lill-poplu t’Alla f’dil-kriżi.

Continue reading Il-Papa f’Santa Marta: Rgħajja qrib il-poplu, il-miżuri drastiċi mhux dejjem tajbin