F’Ħamis ix-Xirka, minbarra li nsegwu l-Quddiesa, nistgħu nagħmlu l-ikla tagħna ta’ filgħaxija f’ambjent reliġjuż bl-għajnuna ta’ din iċ-ċelebrazzjoni. Continue reading L-Ikla tal-Ħaruf
Day: April 8, 2020
Kontribuzzjoni tal-Għid mill-Vatikan
Il-Kardinal Konrad Krajewski, l-inkargat tal-Papa għat-tqassim tal-karità, talab lill-membri tal-‘Kappella Pontifiċja’ biex għall-Għid jagħtu kontribuzzjoni bħala għajnuna lil nies li qed ibatu minħabba l-pandemija tal-coronavirus. Il-‘Kappella Pontifiċja’ hi komposta minn Kardinali tal-Vatikan, Isqfijiet u uffiċjali għolja oħra tal-Knisja. Il-Papa Franġisku mbagħad jiddeċiedi lil min jingħata dak li se jinġabar f’din l-inizjattiva.
Rapport għal-Laikos minn Joe Galea
L-eroj li lebsin il-kannella
Diġà seħħet darbtejn! Iċ-ċapċipa ferm sabiħa! Li dwiet mal-għeżież Malta u Għawdex tagħna! Kienet ċapċipa ta’ apprezzament. Għall-eroj siekta li qed jieħdu ħsieb lil uliedek u uliedi, ħutek u ħuti, il-ġenituri tiegħek u tiegħi, u l-bqija! Continue reading L-eroj li lebsin il-kannella
Seba’ waqfiet ma’ Ġesu’ f’Ħamis ix-Xirka
L‑Arċisqof Charles Scicluna ser imexxi mument ta’ talb u riflessjoni mill‑Katidral ta’ San Pawl, l‑Imdina, bit‑tema ‘Seba’ Waqfiet ma’ Ġesù’. Dan ser jixxandar fuq l‑istazzjonijiet ewlenin tat‑televixin u fuq mezzi ta’ komunikazzjoni soċjali oħra, għada, 9 ta’ April, Ħamis ix‑Xirka, fit‑8:30 p.m.
Tista’ ssegwi dawn iċ-Ċelebrazzjonijiet minn fuq din il-paġna tal-Laikos … http://laikos.org/quddiesa_live.htm
Għid Lhudi Kristjanizzat
Ir-Rakkont tal-Għid Lhudi Kristjanizzat. Okkażjoni tajba sabiex kif ninsabu lkoll miġbura fi djarna, kif barra mill-bibien ta’ djarna jinsab aktar periklu għal saħħitna u saħħet il-proxxmu tagħna, kif ninsabu qrib il-festa tal-Għid, niskopru kemm dak li qed ngħixu bħalissa ma jistax ma jfakkarniex proprju kif twieled l-Għid! Festa tal-mogħdija ta’ Alla, festa tal-familja, festa ta’ tama fil-ħelsien. Dan kollu jista’ jsir waqt ikla li l-Lhud (ħutna l-kbar) għadhom jiċċelebraw sal-lum daqslikieku kollox qed jitwettaq minn Alla llum. F’din l-ikla jitwieldu t-tqarbin, is-saċerdozju Kattoliku, il-quddiesa. Saħansitra l-Velja tal-Għid għandha l-oriġni tagħha f’din l-ikla. Hija okkażjoni biex il-familja tħejji ikla flimkien, tikkonsma ikla flimkien, titlob flimkien u tifraħ u – għaliex le – tidħak flimkien.
Dun Joseph Bajada Continue reading Għid Lhudi Kristjanizzat
Ħasil ir-riġlejn fil-familja
Inizjattiva sabiħa għall-familji: ħasil tar-riġlejn li jista’ jsir fid-djar ftit ħin qabel il-tixxandar il-Quddiesa. Continue reading Ħasil ir-riġlejn fil-familja
Knisja fid-dar tagħna
Stedina lit-tfal kollha. Inħeġġukom tfal biex f’dawn il-jiem għeżież tagħmlu dawn iż-żewġ affarijiet:
- tagħmlu knisja fid-dar tagħkom biex isservi bħala spazju ta’ talb,
- tkomplu ssegwu l-filmati li jispjegaw il-jiem mqaddsa tat-Tridu tal-Għid.
