Il-Knisja f’Għawdex f’kollaborazzjoni ma’ Catholic Kids Media qed tipproduċi verżjoni bil-Malti ta’ vidjows qosra bi spjega tal-Qari tal-Ħadd għat-Tfal.
Il-vidjows, bi preżentazzjoni attraenti u mmirata għal tfal fl-etajiet bejn seba’ u tnax-il sena, jinkludu l-Liturġija tal-Qari tal-Ħadd li jkun kif ukoll ħsibijiet f’forma ta’ omelija qasira b’lingwaġġ li jinftiehem mit-tfal. Il-vidjows, li jittellgħu kull nhar ta’ Ġimgħa (għall-Ħadd li jkun imiss), jinkludu wkoll sottotitli bil-Malti.