“Insellem lit-tfal li qed jieħdu sehem f’kamp sajf fil-Vatikan. S’issa kienu kwieti imma daqt tisimgħuhom. Huma akkumpanjati mill-ġenituri tagħhom u mill-animaturi tal-kamp, li nirringrazzjhom tax-xogħol prezzjuż tagħhom. Nixtieq nirringrazzja lil Dun Franco, ir-‘ruħ spiritwali’ tal-Vatikan, li bħala Salesjan seta’ jħawwel din iż-żerriegħa fit-twaqqif ta’ dan il-kamp sajf, li din hi t-tielet sena li qed issir”.
Dak il-kliem tal-Papa Franġisku fi tmiem l-Udjenza Ġenerali tal-Erbgħa fis-Sala Pawlu VI fisser “ħafna” għal Dun Franco Fontana. Huwa l-kappillan u l-koordinatur tal-inizjattiva tas-sajf, li għal tliet snin, hija laqgħet it-tfal ta’ diversi etajiet, ulied impjegati tal-Vatikan, għal attivitajiet matul is-sajf. Kamp Sajf jinkludi wkoll mumenti ta’ talb u riflessjoni. Isir fil-Belt tal-Vatikan, f’żoni magħżula mgħammra għal attivitajiet rikreattivi u sportivi.
F’nofs it-taħdit u l-logħob tat-tfal, Fr Franco qasam ma’ Vatican News il-ferħ tiegħu meta rċieva t-tislima tal-Papa, kif ukoll l-“inkwiet” tiegħu waqt l-Udjenza Ġenerali. “Xtaqt lit-tfal jibqgħu kwieti tul il-katekeżi tal-Udjenza, kif ingħataw struzzjonijiet biex jagħmlu hekk qabel”.
Ir-reliġjużi Salesjani qalu dwar “mument sabiħ ħafna” li seħħ qabel l-Udjenza. “Il-Papa rċieva lill-animaturi f’kamra żgħira u indirizzahom b’tislima speċjali, billi rringrazzjahom u fuq kollox ħeġġiġhom dwar kif din il-passjoni għall-edukazzjoni trid tanimahom tul ħajjithom”.
Għal aktar tagħrif idħol fuq is-sit: https://www.vaticannews.va/en/pope/news/2022-08/pope-greets-children-attending-vatican-summer-camp.html