Il-Papa Franġisku fl-Angelus. Minn Daniel Borg
“Il-Qawmien ta’ Lazzru” (Ġw 11, 1-45) . Fil-Vanġelu tal-lum naraw il-qawmien ta’ Lazzru, erbat ijiem wara li miet. Fl-Anġelus l-Papa jgħid li Ġesu jagħtina t-tama anke meta kollox jidher mitluf: it-telfa ta’ xi ħadd għażiż, marda, jew xi delużjoni oħra kbira. Huma mumenti, fejn il-ħajja tidher qabar magħluq, fejn kollox jidher dlam, u madwarna ma jkunx hawn ħlief dlam u disperazzjoni. Il-miraklu tal-lum jgħidlina li dan mhux hekk. F’dawn il-mumenti Ġesu’ huwa iktar qribna biex jagħtina l-ħajja. Ġesu jibki magħna bħalma beka għal Lazzru. F’dawn il-mumenti jiġi ħdejn l-oqbra tagħna u jgħid: “Neħħu l-blata” (v. 39).
aktar