Ktejjeb ta’ Ċelebrazzjoni tas-Solennità ta’ Kristu Sultan tal-Ħolqien kollu

It-Tlieta, 21 ta’ Novembru 2017:   L-Arċidjoċesi ta’ Malta għada kif ippublikat il-ktejjeb li ser jintuża fiċ-ċelebrazzjoni djoċesani li ser issir il-Ħadd li ġej, 26 ta’ Novembru fil-knisja parrokkajli ta’ Santa Venera bejn il-5.00 u s-6.30pm.   Għal dawk li jkunu jixtiequ, wara tmiem iċ-ċelebrazzjoni ikun hemm ukoll quddiesa.  Ara l-ktejjeb minn hawn … Kristu Re 2017 Ktejjeb

 

Il-Papa ċċelebra l-Ewwel Jum Dinji tal-Foqra

It-Tnejn, 20 ta’ Novembru 2017: Il-Papa Franġisku lbieraħ iċċelebra l-quddiesa fl-ewwel Jum Dinji tal-Foqra fil-Bażilika ta’ San Pietru. Il-Papa kien ħabbar dan il-jum matul il-Ġublew Straordinarju tal-Ħniena u ħalla f’idejn il-Kunsill Pontifiċju għall-Promozzjoni tal-Evanġelizzazzjoni l-Ġdida biex jorganizzaw u jippromwovu dan il-jum. Kien hemm madwar erbat elef ruħ għall-quddies u wara għadd kbir minnhom kienu mistiedna għal pranzu fis-Sala Pawlu VI.
Continue reading “Il-Papa ċċelebra l-Ewwel Jum Dinji tal-Foqra”

Tibda l-Viżta Pastorali fil-Parroċċa tal-Immakulata Kunċizzjoni f’Bormla

Is-Sibt, 18 ta’ Novembru 2017:  Illum Monsinjur Arċisqof Charles J. Scicluna jibda l-Viżta Pastorali tiegħu fil-Parroċċa tal-Immakulata Kunċizzjoni f’Bormla.  Din hija r-raba’ parroċċa li l-Arċisqof qiegħed iżur fil-programm tiegħu ta’ Viżti Pastorali.  Imma minbarra dawn iż-żjarat, ir-Ragħaj Spiritwali tal-Arċidjoċesi ta’ Malta regolarment imur fil-parroċċi kemm biex jamministra s-Sagrament tal-Konfirmazzjoni, inkella biex iqaddes f’xi okkażjoni, jew għal diversi raġunijiet oħra.  Ara l-programm kollu tal-Viżta tal-Arċisqof f’Borma minn hawn … Programm Viżta Pastorali Bormla

Il-Papa ngħata Lamborghini li se tiġi rkantata għall-karità

Il-Ġimgħa, 17 ta’ Novembru 2017: Aħbar li dwiet mill-Vatikan speċjalment mad-dilettanti tal-karozzi lussużi. Il-Papa Franġisku għadu kif ġie ppreżentat b’karozza Lamborghini Huracan minn uffiċjali tal-kumpanija li timmanifattura dawn il-karozzi lussużi. Din il-karozza li ġiet manifatturata apposta għall-Papa se tiġi rkantata minn Sotheby’s f’Londra u d-dħul se jmur għal erba’ proġetti f’isem il-Papa Franġisku.
Continue reading “Il-Papa ngħata Lamborghini li se tiġi rkantata għall-karità”

Jitfakkar għall-ewwel darba Jum il-Foqra

INĦOBBU MHUX BIL-KLIEM IMMA BL-GĦEMIL

Il-Ġimgħa, 17 ta’ Novembru 2017: Il-Knisja f’Malta ser tingħaqad mal-Knisja Universali biex għada, il-Ħadd 19 ta’ Novembru, tfakkar Jum il-Foqra. It-tema għal din l-ewwel ċelebrazzjoni ta’ Jum il-Foqra hi: ‘Inħobbu mhux bil-kliem imma bl-għemil’. Kien il-Papa Franġisku li fi tmiem il-Ġublew Straordinarju tal-Ħniena ried li jibda jitfakkar dan il-jum. Continue reading “Jitfakkar għall-ewwel darba Jum il-Foqra”

Quddies f’Għawdex b’suffraġju għal ġurnalisti mejtin

Il-Ħamis 16 ta’ Novembru. Messaġġ tal-Isqof ta’ Għawdex Mons. Mario Grech mibgħut lill-Għaqda Ġurnalisti Għawdxin li organizzat Quddiesa f’għeluq ix-xahar mill-qtil tal-ġurnalista Daphne Caruana Galizia, b’suffraġju għal ruħha u ruħ il-ġurnalisti mejtin kollha. Knisja tar-Ragħaj it-Tajjeb, il-Belt Victoria.

Continue reading “Quddies f’Għawdex b’suffraġju għal ġurnalisti mejtin”