Safeguarding Minors – kif niprevjenu trawmi sesswali fit-tfal?

Il-Kummissjoni Djoċesana Familja qed torganizza laqgħa ta’ formazzjoni bis-suġġett: Safeguarding Minors – kif niprevjenu trawmi sesswali fit-tfal?  Il-laqgħa ser tinżamm fl-Istitut tal-Familja, Victoria, Għawdex nhar il-Ġimgħa 23 ta’ Frar bejn is-6.00pm u s-7.15pm u ser titmexxa minn Dun Joseph Farrugia, psikologu, Direttur tal-Gozo Family Counselling Centre u lecturer fl-Università ta’ Malta.  Mistieden kulhadd, specjalment il-genituri u carers ta’ tfal.  Ikun hemm min jieħu ħsieb it-tfal.  Ara l-poster għal aktar tagħrif …  Continue reading Safeguarding Minors – kif niprevjenu trawmi sesswali fit-tfal?

“24 siegħa għall-Mulej” organizzata mis-Seminaristi u l-Kapitlu tal-Katidral

Wara l-inizjattiva tal-Papa Franġisku, 24 Siegħa għall-Mulej, is-Seminaristi Maltin, bl-għajnuna tal-Kapitlu Metropolitan  qed jorganizzaw Velja fil-Katidral tal-Imdina fid-9 u l-10 ta’ Marzu li ġej li matulha l-Katidral ser jibqa miftuħ il-lejl  kollu.  Se jkun hemm Adorazzjoni Ewkaristika,  ħinijiet ta’ riflessjoni, kant, kif ukoll mumenti ta’ skiet quddiem Ġesu Sagramentat. Se jkun hemm ukoll Saċerdoti għal dawk li jkunu jixtiequ jqerru. Kulħadd huwa mistieden għal din l-opportunita’ ta’ talb u maħfra.  Għal aktar informazzjoni ara l-poster 24 siegħa għall-Mulej.

L-ACN Malta twieġeb għall-appell tal-Papa Franġisku

It-Tlieta, 13 ta’ Frar 2018: L-Aid to the Church in Need (Malta), flimkien mal-Komunità tas-Sorijiet tal-Bon Pastur, ser torganizza Siegħa Adorazzjoni skont l-intenzjoni tal-Papa nhar il-Ġimgħa, 23 ta’ Frar 2018 fit-3.00 pm, fil-Knisja tal-Bon Pastur, Ħal Balzan. Din l-inizjattiva qed issir wara sejħa mill-Papa Franġisku nnifsu li ħeġġeġ lil kull persuna ta’ rieda tajba għat-talb u sawm għall-paċi f’diversi nħawi tad-dinja, b’mod partikolari għall-poplu tar-Repubblika Demokratika tal-Kongo u tas-Sudan t’Isfel.

Ara l-poster b’aktar dettalji … ACN X’nista’ nagħmel għall-Paċi

Nhar l-Erbgħa, Ras ir-Randan

Nhar l-Erbgħa, 14 ta’ Frar 2018, il-Knisja tagħti bidu għar-Randan Imqaddes: erbgħin jum ta’ talb u penitenza bi tħejjija għaċ-ċelebrazzjoni tal-Passjoni, il-Mewt u l-Qawmien mill-mewt ta’ Sidna Ġesù Kristu. L-Arċisqof Charles J. Scicluna, mal-Kapitlu tal-Katidral, ser jiċċelebra l-Quddiesa Stazzjonali ta’ Ras ir-Randan fil-Konkatidral ta’ San Ġwann, il-Belt Valletta, fis-6:30 p.m. Il-Quddiesa tinkludi t-tberik u t-tqegħid tal-irmied. Dawk kollha li jaħdmu l-Belt Valletta jew jinzertaw il-Belt huma mistiedna jattendu għal din iċ-ċelebrazzjoni. Continue reading Nhar l-Erbgħa, Ras ir-Randan

24 siegħa għall-Mulej 2018

24siegha.jpgDin is-sena okkażjoni tajba se jkun ukoll l-inizjattiva “24 siegħa għall-Mulej”, li tistedinna niċċelebraw is-Sagrament tar-Rikonċiljazzjoni f’kuntest ta’ adorazzjoni Ewkaristika.

Fl-2018 din sa tinżamm il-Ġimgħa 9 u s-Sibt 10 ta’ Marzu, imnebbħa mill-kelmiet tas-Salm 130:4: “Għandek hemm il-maħfra”.

F’kull djoċesi, almenu knisja waħda tibqa’ miftuħa għal erbgħa u għoxrin siegħa konsekuttiva, biex toffri l-possibbiltà tat-talb ta’ adorazzjoni u tal-Qrar sagramentali.