Il-Lejl tal-Milied fil-Katidral tal-Imdina

Il-Ħadd, 24 ta’ Diċembru 2017: Is-Solennità tat-Twelid ta’ Sidna Ġesù Kristu ser tkun ċelebrata llejla fil-Katridral tal-Imdina b’Velja ta’ Kant tal-Milied u Priedka tat-Tifel u wara b’Quddiesa Stazzjonali ta’ Nofsillejl preseduta mill-Arċisqof Charles J. Scicluna. Jekk ma tkunx tista’ tkun preżenti hemmhekk jew f’xi Knisja oħra, allura tista ssegwi din iċ-ċelebrazzjoni live minn din il-paġna tal-Laikos … http://www.laikos.org/VOD2_LSTR.htm

Hawn taħt issib ukoll il-librett taċ-ċelebrazzjoni biex tkun tista’ ssegwi aħjar …
Librett għall-Lejl tal-Milied fil-Katidral tal-Imdina

Ikla tal-Milied għal familji fil-bżonn jew persuni waħidhom

Il-Dar tal-Irtiri tal-Ġiżwiti ‘Manresa’ flimkien mad-Djoċesi ta’ Għawdex f’dan il-Milied ser iwasslu “Ikla tal-Milied” lil għadd ta’ familji fil-bżonn jew persuni waħidhom. Filwaqt li s-Sur Joe Mercieca, Manager tad-Dar Manresa, flimkien mat-tim tiegħu, ħadu ħsieb iħejju l-ikel, il-kappillani ser iwasslu dan ir-rigal fid-djar. L-Isqof Mario Grech dalgħodu għamel żjara lill-‘kċina’ ta’ Manresa u filwaqt li awgura li fid-Djoċesi joktru ġesti ta’ mħabba bħal din l-inizjattiva, radd ħajr lil dawk kollha li qed jieħdu sehem f’din il-karità.