Ċelebrazzjoni tal-Morda u l-Anzjani fil-100 sena ta’ Fatima

Il-Ġimgħa, 12 ta’ Ottubru 2017:  Bħala parti miċ-ċelebrazzjonijiet li jfakkru d-dehriet tal-Madonna f’Fatima, ser issir ċelebrazzjoni għall-Morda u l-Anzjani fil-Knisja Arċipretali tal-Isla li fiha ser ikun amministrat ukoll is-Sagrament tal-Griżma tal-Morda. Dakinhar ser tinġieb mid-Dar tal-Kleru l-istatwa tal-Madonna ta’ Fatima li kienet imbierka mill-Papa Piju XII fl-1948.  F’din l-okkażjoni dawk preżenti se jkunu jistgħu wkoll iżuru ix-xbieha mirakuluża tar-Redentur.  Għal aktar dettalji ara l-poster hawn taħt … Continue reading Ċelebrazzjoni tal-Morda u l-Anzjani fil-100 sena ta’ Fatima

Niltaqgħu ma’ Alla. 

Il-Ġimgħa, 13 ta’ Ottubru 2017:  Jibda’ kors ta’ 7 laqgħat dwar it-tema li nsibu f’The Shack.  Imexxi Fr Karm Debattista.  Il-laqgħat isiru fiċ-Ċentru Franġiskan Konventwali u jibdew fis-7.15 ta’ filgħaxija.   Aktar l-isfel tista tara’ l-film, The Shack kif ukoll poster b’aktar dettalji dwar il-kors … Continue reading Niltaqgħu ma’ Alla. 

Pellegrinaġġ lejn is-Santwarju tal-Mellieħa

Is-Sibt 23 ta’ Settembru 2017, is-Santwarju Ta’ Pinu qed jorganizza pellegrinaġġ lejn is-Santwarju tal-Mellieħa fl-okkażjoni tal-Festa tal-Madonna tal-Mellieħa. Tluq mill-Mġarr Għawdex mal-vapur tal-5.15 pm. Fis-Santwarju tal-Mellieħa tiġi ċċelebrata l-quddiesa fis-6.30pm. Ritorn lura lejn Għawdex mal-vapur tas-8.15pm. Il-biljetti għat-trasport f’Malta jinkisbu mill-parroċċi jew direttament mis-Santwarju Ta’ Pinu.

Ċentinarju tal-aħħar dehra tal-Madonna f’Fatima

Il-Ġimgħa, 13 ta’ Ottubru 2017 se jkun imfakkar iċ-ċentinarju tal-aħħar dehra tal-Madonna ta’ Fatima.  Dakinhar isir pellegrinaġġ mill-Parroċċa tal-Kunċizzjoni, Ħamrun, li jibda fis-6.00 pm u jintemm fis-Santwarju Parroċċa ta’ Fatima, Gwardamanġa. Hemm tkun ċelebrata quddiesa u fl-aħħar tislima lill-Madonna.  Il-pellegrinaġġ u l-quddiesa konċelebrata jiġu mmexxija mill-Arċisqof Charles Scicluna. 

Fil-jiem li ġejjin ikunu publikati aktar dettalji dwar din iċ-ċelebrazzjoni u dwar ċelebrazzjonijiet oħra li se jfakkru d-dehriet tal-Madonna f’Fatima li seħħew bejn Mejju u Ottubru 1917.

Ngħinu lit-tfal ikollhom karattru sod

Laqgħat ta’ formazzjoni mill-Kummissjoni Djoċesana Familja tal-Knisja f’Għawdex.

Il-Ġimgħa 29 ta’ Settembru mis-6pm sas-7.30pm ser issir laqgħa ta’ formazzjoni bit-tema, “Ngħinu lit-tfal ikollhom karattru sod”.  Il-laqgħa ser issir fl-Istitut tal-Familja Papa Ġwanni Pawlu II, fi Triq ir-Republika, il-Belt Victoria u l-kelliem se jkun Dun Anton Teuma.

Ara l-poster b’aktar dettalji minn hawn … kdf_29092017