Delegazzjoni Maltija fil-Vatikan għall-Kungress Internazzjonali. Il-Knisja tistieden ukoll lill-politiċi.

Il-Ġimgħa, 27 ta’ Ottubru 2017: L-Arċisqof ta’ Malta, Mons. Charles J. Scicluna, u l-Isqof ta’ Għawdex, Mons. Mario Grech, jinsabu l-Vatikan għall-kungress internazzjonali ‘(Re)Thinking Europe’. Din il-laqgħa ta’ djalogu li tibda llum ser tlaqqa’ flimkien aktar minn 350 parteċipant mit-28 pajjiż tal-Unjoni Ewropea, fosthom rappreżentanti għolja tal-Knisja u mexxejja politiċi Ewropej, bil-għan li jikkontribwixxu għal riflessjoni kostruttiva dwar l-isfidi li qed tiffaċċja l-Ewropa. Continue reading “Delegazzjoni Maltija fil-Vatikan għall-Kungress Internazzjonali. Il-Knisja tistieden ukoll lill-politiċi.”

L-Evanġelju tal-Ġimgħa, 27 ta’ Ottubru 2017

Ħsieb minn Fr Michael Bugeja
Lq 12, 54-59

Xi ftit jew wisq din is-sengħa tlifniha. Illum, minflok tittawwal mit-tieqa jew tgħolli ħarstek ’il fuq biex tara x’temp hu, tgħaddas rasek u tilgħab b’subgħajk fuq ‘screen’ ċkejken biex tara jekk hux nieżla xita jew jekk hix imħabbra. Ma narawx dak li hemm bħalissa, aħseb u ara kemm inassru dak li ġej. Meta missieri, li hu sajjied, kien jiflaħ jimxi kien joħroġ barra qabel is-sebħ biex jara x’temp hu u l-ajru x’qed iwiegħed. Minn dak li kien jara kien jippjana l-ġurnata. Missieri għallimni s-sengħa tal-għarfien ta’ dak li hu biex minnu nara dak li ġej.
Continue reading “L-Evanġelju tal-Ġimgħa, 27 ta’ Ottubru 2017”