26/08/2025: 469 paġna. Aktar minn 12,000 isem. Ismijiet ta’ tfal li nqatlu mill-kunflitt ta’ bejn Israel u l-Ħamas mis-7 t’Ottubru tal-2023 sal-15 ta’ Lulju ta’ din is-sena.
12,211 tifel u tifla Palestinjani u 16 Iżraeljani.
Sigħat sħaħ ta’ qari ta’ dawn l-ismijiet mill-Kardinal Zuppi, l-Arċisqof ta’ Bolonja u President tal-Konferenza Episkopali Taljana. Kull isem karba biex tintemm il-gwerra.
Dawn inqraw lejlet il-festa ta’ Marija mtella’ s-sema’. Il-post minn fejn hu għamel dan hu wkoll wieħed sinifikattiv. Hu qara dawn l-ismijiet fil-fdalijet ta’ knisja li nħarqet min-Nażi fl-1944 fejn kienu qatlu 770 ruħ fosthom aktar minn 200 tifel u tifla.
Nhar il-Ġimgħa l-Papa Ljun XIV talab biex ikun jum ta’ talb u sawm għall-paċi fid-dinja.
Artiklu miktub minn Gabriel Lia
Sors: www.knisja.mt
Ritratt: www.knisja.mt/ritratti