L-Ewwel Enċiklika tal-Papa Ljun XIV
1. L-umanità tal-għaġeb maħluqa minn Alla llum għandha quddiemha għażla deċiżiva: ittella’ torri ta’ Babel ieħor jew tibni l-belt fejn Alla u l-bnedmin jgħammru flimkien. Kull ġenerazzjoni tirċievi b’wirt il-missjoni li ssawwar iż-żmien tagħha: li tgħin lill-istorja timmatura bħala post li fih id-dinjità ta’ kull persuna tiġi mħarsa, il-ġustizzja mseddqa u l-fraternità tkun possibbli. Imma fuq kull epoka jdellel ir-riskju li nispiċċaw nibnu dinja diżumana u iktar inġusta. Hemm fejn l-umanità tinsab fil-periklu li titlef l-istess wiċċ tagħha, aħna l-Insara nerfgħu ħarsitna lejn Alla li sar bniedem, għax nafu li “l-misteru tal-bniedem jiddawwal tassew biss fil-misteru tal-Iben ta’ Alla magħmul bniedem”.[i] Din l-umanità tal-għaġeb f’Ġesù Kristu ssir it-Triq, il-Verità u l-Ħajja, u tiftaħ għal kull wieħed u waħda minna t-triq biex nikbru lejn il-milja tagħna.
[i] Konċilju Ekumeniku Vatikan II, Kostituzzjoni pastorali Gaudium et spes, 22: AAS 58 (1966), 1042.
2.
titkompla …
Migjuba għall-Malti minn Francesco PIo Attard
