“Qatt Mhu Tard”

Minn Joe C. Aquilina

“Qatt Mhu Tard” hu album ta’ 10 innijiet/kanzunetti li għadu kemm ħareġ fuq YOUTUBE.

Dan l-album ħareġ taħt l-iskema tal-istess isem, li fiha l-anzjani qed jiġu mistiedna jesebixxu xogħolhom anke  issa tard fil-ħajja

---

Sostenut ukoll minn Sweet Sound Studio u l-Moviment Tpattija għad-Dagħa, Joe C. Aquilina u l-mara tiegħu Doris qed joffrulna il-frott ta’ ħajja dedikata għall-evanġeliżazzjoni.  Il-messaġġ ġenerali f’dawn l-innijiet hi:  Kristu hu ir-Redentur tal-bniedem li fih insibu l-ferħ tagħna.  Kristu hu dak li jgħammed lil kull min jilqa’ l-offerta tiegħu bil-qawwa tal-Ispirtu s-Santu. 

Ċertament dan għandu jkun għodda f’idejn katekisti u evanġeliżżaturi biex il-qawwa tal-KERYGMA tidħol f’qalb in-nies.  “Ħa nkanta Kanzunetta’ hi għaddata ħafna għat-tfal, waqt li għal-Milied, “Agħmel Xita” tista’ ssir parti r-repertoire ta’ carols.

L-istil ta’ songs ivarja minn Walz għal Country.  Importanit ukoll li hemm element ta’ lingwa Ingliża, per eżempju, “Ejja Wara Ġesu”, issa għandna wkoll  verżjoni bl-Ingliż.

Imbagħad hemm sejħa għal-qawmien spiritwali f’Malta, li tibda bl-Ingliż imma mbagħad hemm infilsat  verżjoni bil-Malti.  Dan huwa importani  minħabba l-fatt li l-Kristjaniżmu f’Malta m’għadux esklussivament realta’ Maltija, imma sar aktar mifrux.

L-aktar innu li s’issa kellu hits hi REDENTUR, li hi mibnija fuq il-famuża idea ta’ CS Lewis, li Kristu kien jew “liar, lunatic or Lord”.

Nixtiequ lil-Laikos u l-familja wiesgħa tiegħu smigħ fl-Ispirtu.