Home > Aħbarijiet > In-Nunzju Appostoliku fid-Dar tal-Providenza

In-Nunzju Appostoliku fid-Dar tal-Providenza


Is-Sibt, 28 ta’ Ottubru 2017: In-Nunzju Appostoliku ġdid għal Malta, l-E.T. Mons. Alessandro D’Errico għamel l-ewwel żjara uffiċċjali tiegħu fid-Dar tal-Providenza fis-Siġġiewi. Huwa kien milqugħ mid-Direttur tad-Dar, Fr Martin Micallef, u ltaqa’ mar-residenti u l-carers tagħhom. Mons. D’Errico sab ħin biex iżur il-kappella u l-mużew u l-qabar ta’ Dun Mikiel Azzopardi kif ukoll jara b’għajnejh il-faċilitajiet u l-ħidma li ssir fil-pixxina terapewtika u fiċ-Ċentru Agrikolu San Isidor.

340026-740xNoneF’diskors qasir ta’ merħba, Fr Martin irrefera għat-52 sena ta’ ħidma tad-Dar tal-Providenza li ma setgħet qatt tkun possibbli mingħajr nies bħal Dun Mikiel li kellu viżjoni, u ħaddiema dedikati, professjonisti u Sorijiet tal-Karità flimkien ma’ benefatturi li emmnu f’din il-kawża u għenu biex din il-ħidma tibda u tibqa’ miexja. Huwa fakkar li fil-11 ta’ Frar tas-sena d-dieħla se jiġi ċċelebrat il-50 anniversarju ta’ meta id-Dar laqgħet l-ewwel tliet residenti.  Huwa rrefera għall-ġenerożità kontinwa tal-poplu Malti u Għawdxi u benefatturi regolari oħra li bis-saħħa tagħhom kompliet titjieb dejjem iżjed il-kwalità tal-ħajja tar-residenti.

In-Nunzju Appostoliku wera l-apprezzament għall-merħba li ngħata f’dik li huwa sejjaħ ġurnata speċjali għalih għax ra b’għajnejh l-involviment tal-Knisja Maltija li hija ta’ importanza kbira, speċjalment għall-Papa Franġisku għax għandu ħafna għal qalbu din id-dimensjoni tal-Knisja li tkun qrib dawk li jeħtieġuha, speċjalment il-persuni b’diżabilità.

Fi tmiem il-laqgħa mar-residenti, Mons. D’Errico ngħaqad mar-residenti, support workers u staff tad-Dar tal-Providenza li xtaqu l-isbaħ xewqat lir-resident Frankie Cortis li għalaq 72 sena.

In-Nunzju Appostoliku kien akkumpanjat mill-Kunsillier tan-Nunzjatura Mons. Simon Bolivar Sanchez.

340029-740xNone.jpg

Categories: Aħbarijiet
  1. No comments yet.
  1. No trackbacks yet.

Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: