Tliet żgħażagħ Vjetnamiżi sabu mod kif jesprimu l-ħajr tagħhom għat-tama u l-ispirazzjoni tal-Papa Franġisku f’dan iż-żmien tal-pandemija Covid-19 billi għamlu skultura mpressjonanti bir-ramel fix-xtajta ta’ Nam Dinh, fil-Vjetnam ta’ Fuq. Turi l-barka “Urbi et Orbi” tal-Papa u t-talb li sar fil-Vatikan fis-27 ta’ Marzu meta d-dinja kienet f’taqtiegħa mal-pandemija.
L-iskultura, kbira 4 b’5 metri, turi lill-Papa jħares lejn Kristu Msallab waqt li jitlob fis-skiet. Lai Trinh, skultur professjonali ta’ xogħol fl-injam, u ż-żewġ ħbieb tiegħu Kattoliċi, Nguyen Son u Tran għamlu l-iskultura fi tliet siegħa b’għodda sempliċi, bħal pala, sikkina u pinzell kbir.
Rapport għal-Laikos minn Joe Galea