Billi tul din is-Sena Pastorali qed nirriflettu fuq l-importanza tat-talb, u fir-Randan li ġej fil-knejjes tagħna l-komunitajiet se jerġgħu jiġu mħeġġa jitolbu bil-Liturġija tas-Sigħat (it-Tifħir ta’ Sbiħ il-Jum u l-Għasar), hawn issib rikording ta’ konferenza interessanti ħafna li ta l-biblista Mons. Joseph Sultana, Arċipriet tal-Katidral ta’ Għawdex, fil-Bażilika u Kolleġġjata tal-Viżitazzjoni, l-Għarb, nhar is-26 ta’ Jannar 2024.
Dan sar fl-okkażjoni tal-250 anniversarju tal-Kolleġġjata tal-Għarb, imma l-materjal hu validu għal kulħadd, u jiswa ta’ ġid kbir biex jgħin lin-nies tagħna tifhem il-valur tal-Ktieb tas-Salmi u l-użu tiegħu fil-Liturġija tas-Sigħat.