Fittex hawn taħt …
Fil-kuntest Bibliku, spiss nisemgħu kliem li għalkemm nidrawh, imma aktarx li mhux dejjem inkunu nifhmu t-tifsira tiegħu. Ftit eżempji ta’ dan huma kliem bħal ispirazzjoni, interpretaazzjoni, ineranza, kanoni, eseġeżi u oħrajn.
Imma hemm ukoll kliem ieħor, ferm aktar komuni li għalkemm inkunu nafu għal xiex ikun qed jirreferi, madankollu ma jkollniex spjega sħiħa tiegħu. Per eżempju, min kienu l-profeti? Jew x’differenza hemm bejn il-kliem dixxiplu u appostlu? X’tifsira għandhom in-numri fil-Bibbja? X’simboliżmu għandu l-ilma?
Fid-Dizżjunarju Bibliku li l-Biblista Dun Pawl Sciberras qiegħed jibni ftit ftit fil-Laikos, hemm spjega ta’ dan kollu u ferm aktar. Għal kull kelma tista’ ssib kemm spjega miktuba, u kif ukoll waħda rekordjata awdjo. F’xi każi dawn huma wkoll akkumpanjati b’vidjo qasir.
Sal-lum tista’ ssib aktar minn mitt kelma jew frażi.