TGĦID SIBTU T-TEŻOR TA’ ĦAJTI JEW GĦADNI NFITTXU?
Jum fost l-oħrajn, tifel żgħir minn Kimberly fl-Afrika t’isfel, spiċċa mill-iskola u kien sejjer lura lejn id-dar flimkien ma’ ommu, mara fqira. Huma u għaddejjin minn ma’ xatt ix-xmara, dat-tifel lemaħ daqsxejn ta’ ġebla kważi trasparenti. Ġibditlu l-attenzjoni, għax fid-dawl tax-xemx bdiet tleqq u tibdel il-kuluri. It-tifel beda jagħtiha bis-sieq, u biex ma tħalliehx jgħarraq iż-żarbun, ommu ġabret din il-ġebla u poġġietha fil-basket li kella f’idejha. Iktar tard, ħaslitha, urietha lill-ġirien u begħtitha lil wieħed negozjant li nzerta għaddej minn dik il-belt jixtri daċ-ċekċik. Taha ftit tal-flus. Sena wara, dan in-negozjant kellu jiskopri li dik il-ġebla li xtara b’ċekċika flus minn għand dik il-mara fqira kienet djamant, jiswa x’jiswa…il-kelma mxiet u ġrat splużjoni: ħafna nies marru jfittxu xortihom ħdejn ix-xmara…Bnew kmamar tal-injam ma’ xatt dix-xmara, baqgħu jsibu minn dan u saru sinjuruni kbar.
Aktar