Dun Christopher Ellul Arċipriet ta’ Ħal Tarxien.


L-Arċisqof Charles J. Scicluna ħatar lil Dun Christopher Ellul bħala Arċipriet tal-Parroċċa ta’ Marija Annunzjata, Ħal Tarxien.

Dun Christopher Ellul twieled fl-14 ta’ Ġunju 1988. Irċieva l-edukazzjoni primarja tiegħu fl-iskola Ġużeppi Agius, Raħal Ġdid, l-edukazzjoni sekondarja tiegħu fl-iskola St Michael, Santa Venera u l-edukazzjoni post-sekondarja fil-Kulleġġ Ġan Franġisk Abela, l-Imsida. Kompla l-istudji terzjarji fil-Fakultà tat-Teoloġija (Filosofija u Teoloġija) fl-Università ta’ Malta fejn kiseb ukoll il-liċenzjat fit-Teoloġija. Ġie ordnat saċerdot fit-3 ta’ Lulju 2015.

fr-christopher-ellul-01.jpg
Dun Christopher Ellul

 

Dun Christopher serva bħala Viċi Arċipriet fil-Parroċċa ta’ San Nikola, is-Siġġiewi.

Il-Parroċċa ta’ Ħal Tarxien tiġbor fiha madwar 9,000 persuna f’2,800 familja.

Published by

laikosblog

Blog tas-Segretarjat għal-Lajċi.