Il-Papa jmexxi biex jikkonfrontaw r-rata baxxa tat-twelid

Aktar tard dan ix-xahar, il-Papa Franġisku se jiftaħ konferenza, biex jara kif tista’ tingħeleb ir-rata baxxa tat-twelid fl-Italja. L-Uffiċċju Stampa tal-Vatikan ħareġ stqarrija li l-Papa ser jieħu sehem personalment, u huwa mdejjaq u wissa li “l-futur jinsab fil-periklu”. 

Pope Francis baptizes an infant in the Sistine Chapel at the Vatican Jan. 12. The pope baptized 32 children during the celebration on the feast of the Baptism of the Lord. (CNS photo/L’Osservatore Romano via Reuters) (Jan 12, 2014) See story to come.

L-avveniment li ser isir online fl-14 ta’ Mejju, qed jiġi organizzat mill-Stati Generali della Natalità, li ġie stabbilit mill-Forum ta’ Assoċjazzjonijiet tal-Familja, u li ppublika dejta ġdida dwar ir-rata ta’ twelid li seħħu fl-Italja. L-inizjattiva qed tfittex l-għajnuna tan-negozji, midja u mexxejja kulturali biex jindirizzaw it-tnaqqis fit-twelid, bit-tħassib li b’livelli dejjem jiżdiedu ta’ faqar, bil-pandemija tal-Covid-19, il-problema se tkun aggravata. Is-sena li għaddiet, l-Italja rreġistrat l-iktar rata baxxa ta’ twelid tagħha, rekord ta’ 404,104 tarbija, l-iżgħar ċifra mill-1861 meta l-pajjiż reġa’ ngħaqqad. Intant, is-sena l-oħra ġew reġistrati 746,146 mwiet.

Fl-2015, il-Papa Franġisku ddeskriva l-għażla ta’ dawk il-koppji li ma jkunux irridu li jkollhom tfal bħala waħda “egosita” waqt li rrimarka li “l-ħajja tiġġedded u takkwista l-enerġija meta timmultiplika: Hija tiġi arrikkita, mhux tiftaqar.” Huwa kien qal, li l-ferħ li tfal jagħtu lill-koppja “iġiegħel lil qalbhom tħabbat” u tiftaħ toroq ġodda fil-futur.

Sena qabel huwa kien wera dispjaċir tiegħu li l-“kultura tal-benesseri”, fejn il-koppja taħseb li huwa aħjar li ma jkollhomx tfal sabiex ikunu jistgħu “jesploraw id-dinja, imorru għall-vaganzi… jkollhom villa fil-kampanja”. Huwa kien żied: “Jista’ jkun aħjar, jew aktar komdu, li jkollok kelb, żewġ qtates, u l-imħabba tmur għal dawn iż-żewġ qtates u kelb. Huwa veru dan jew le? Rajtuha tiġri? Imbagħad, fl-aħħar, dan iż-żwieġ jasal fix-xjuħija, fis-solitudni, bl-imrar tal-malinkonija. Mhux produttiv, ma għamilx dak li għamel Ġesù bil-Knisja tiegħu: Hu għamel il-Knisja tiegħu produttiva”.

Dan l-avveniment se jsir fl-awditorju f’Via della Conciliazione, it-triq li twassal għal Pjazza San Pietru. F’din il-laqgħa ser tattendi l-ministru tal-Italja għall-Familja u opportunitajiet, Elena Bonetti u l- ministru tal-edukazzjoni, Patrizio Bianchi.

Għal aktar tagħrif idħol fuq is-sit: https://www.thetablet.co.uk/news/14104/pope-francis-leads-drive-to-confront-low-birthrate