Il-Ħamis, 21 ta’ Ottubru 2021, il-Knisja ta’ Għawdex tiċċelebra l-festa ta’ Sant’Ursula – maħtura patruna ta’ Għawdex mis-Sinodu Djoċesan tas-sena 1620. Il-solennità tiġi ċċelebrata l-Katidral b’Pontifikal tal-Isqof Anton Teuma mal-Kapitlu Katidrali, il-Ħadd, 24 ta’ Ottubru 2021.
Dan l-istudju ta’ Monsinjur Joe Bezzina deher għall-ewwel darba f’Il-Għid tal-Assunta, l-annwal tal-Katidral ta’ Għawdex, f’Awwissu 2013, bi tħejjija għall-400 sena mill-wasla tal-bust tagħha Għawdex fl-1614.
Nota dwar l-Isem tal-Qaddisa: Daż-żmien qegħdin niktbu Sant’Ursula mhux Sant’Orsla biex inkunu fidili mal-isem oriġinali li hu bil-Ġermaniż u bl-Ingliż …