Il-Weekend tal-Abseiling u l-Ziplining organizzat minn Missio Malta huwa avveniment eċċitanti li jgħaqqad l-avventura mal-karità. Il-parteċipanti jistgħu jgawdu l-eċċitament tal-abseiling u taż-ziplining fuq il-Pont tal-Mosta, filwaqt li jikkontribwixxu għal ġbir ta’ fondi b’risq il-missjoni f’diversi pajjiżi li qed jiżviluppaw. Dan l-avveniment jixhed id-dedikazzjoni tal-voluntiera u l-impatt pożittiv tal-ħidma ta’ Missio Malta fl-appoġġ tagħha għall-missjonijiet madwar id-dinja.
Il-grupp tal-iScouts tal-Mosta għal darb’oħra jinsab impenjat li jorganizza edizzjoni oħra tal-avveniment annwali tal-Abseiling u Ziplining b’risq Missio. Bħas-soltu, qed jagħmlu l-almu tagħhom biex joffru l-opportunità li dak li jkun jesperjenza doża ta’ adrenalina f’wieħed mill-isbaħ postijiet fil-Mosta.
Ingħaqdu magħna nhar is-Sibt 14 u l-Ħadd 15 ta’ Novembru bejn id-9am u s-6pm, u agħtu donazzjoni b’risq kawża ġusta!
Għal aktar tagħrif, ċempel l-uffiċċju ta’ Missio Malta fuq 21 236 962, jew ibgħat imejl lil info@missio.org.mt Żur ukoll is-sit www.missio.org.mt jew il-paġna ta’ Facebook: Missio Malta.
Missio, l-organizzazzjoni tal-karità uffiċjali tal-Papa f’idejk!