Minn Monsinjur Jean-Charles Thomas, Korsika
Ħsieb miktub minn Monsinjur minn Korsika. Juri x-xewqa li aħna rridu nersqu lejn il-proxxmu, anke jekk hu ‘l bogħod mit-twemmin tagħna, mill-idejat tagħna, mill-kultura tagħna. Irridu nagħrfu nirrispettaw lil min mhux tal-gosti tagħna; irridu nħobbu, nisimgħu,… ukoll fejn jidħlu konflitti u differenzi. Dan hu l-programm ta’ ħajja tan-nisrani. Il-ħsieb ta’ dan il-Monsinjur hu bbażat fuq il-Beatitudnijiet. Hu stedina għall-paċenzja, għat-tama u għat-talb.
Imberkin dawk li jersqu min jeddhom
lejn min għalih il-Knisja hi fil-bogħod,
lejn min ma jemminx f’Alla,
lejn min trabba fi tradizzjonijiet reliġjużi oħra,
lejn il-foqra,
lejn il-barranin,
lejn irġielu nisa ta’ kulturi oħra.
Imberkin dawk li jaċċettaw li jħobbu wkoll lil dawk li mhumiex iroddulhom imħabba.
Imberkin dawk li jipproponu l-idejat u s-suġġerimenti tagħhom filwaqt li jaċċettaw lill-oħrajn li ma jaqblux magħhom.
Imberkin dawk li fil-Knisja u fil-qasam ta’ ħidma tagħhom jagħtu spazju u ħin għal min jixtieq jitkellem u juri li qiegħed hemm mal-ġemgħa.
Imberkind dawk li mingħajr ma jibżgħu mis-sagrifiċċji, jibqgħu b’egħruq sodi fil-perseveranza u fil-paċenzja u ma jonqsux li jagħmlu dak il-pass ċjkejken biex fl-aħħar jirnexxilhom jersqu lejn min jeħtieġhom.
Imberkin dawk li qed ifittxu li jkun hemm koerenza bejn il-valuri li jħaddnu u d-diffikultajiet li magħhom iħabbtu wiċċhom fil-ħajja ta’ kuljum.
Imberkin dawk li jerfgħu ħsiebhom lejn Alla fit-talb ta’ kuljum.
Imberkin dawk li jittamaw dejjem: huma jsibu t-triq li twassalhom lejn il-qlub tal-oħrajn u lejn il-qalb ta’ Alla.
Miġjub għall-Malti minn Joe Galea
Interessanti u mimlijien b’tghalim