Mit-Tabib Andrew Baldacchino
Illum niċċelebraw li Kristu huwa s-sultan fis-saltna li fiha diġà ngħixu. Hawn spjegazzjoni sabiħa mogħtija minn Gerald Darring (Università ta’ St Louis, Ċentru għal-Liturġija): “Is-Saltna t’Alla hija spazju. Teżisti f’kull dar fejn il-ġenituri u t-tfal iħobbu lil xulxin. Teżisti f’kull reġjun u pajjiż li jieħu ħsieb id-dgħajfa u l-vulnerabbli tiegħu. Teżisti f’kull parroċċa li tilħaq lil dawk fil-bżonn. Is-Saltna t’Alla hija żmien.
Tiġri kull meta xi ħadd jitma’ persuna bil-ġuħ, jew jagħti kenn lil persuna bla dar, jew juri ħsieb lil persuna traskurata. Tiġri kull meta nwaqqgħu liġi inġusta, jew nikkoreġu inġustizzja, jew nevitaw gwerra. Tiġri kull meta n-nies jingħaqdu fil-ġlieda biex jegħlbu l-faqar, biex iħassru l-injoranza, biex jgħaddu l-Fidi.
Is-Saltna t’Alla tinsab fil-passat (fil-ħajja u l-ħidma ta’ Ġesù ta’ Nazaret); hija fil-preżent (fil-ħidma tal-Knisja u fl-isforzi ta’ ħafna oħrajn biex joħolqu dinja ta’ tjubija u ġustizzja); hija fil-futur (li tilħaq it-tlestija tagħha fiż-żmien li ġej). Is-Saltna t’Alla hija kundizzjoni. Is-sintomi tiegħu huma l-imħabba, il-ġustizzja, u l-paċi…