Wara sena nisimgħu dwar x’għamel Ġesu’ u dwar x’għallem Ġesu, wasalna fit-tmien ta’ sena liturġika oħra, u l-konklużjoni loġika wara sena nisimgħu dwar Ġesu’ għandha tkun li NIRRIKONOXXU MAL-ĦALLIEL (LI NSEJĦULU T-TAJJEB):
- LI ĠESU’ HU ALLA
- LI AĦNA MIDIMBIN U ĦAQQNA BISS KASTIG GĦAL GĦEMILNA
- LI NĦARSU LEJN ĠESU’ B’ĦARSA TA’ ERWIEĦ SOGĦBIENA U NITOLBUH
- JAĦFRILNA
- JDAĦĦALNA MIEGĦU FIS-SALTNA TIEGĦU.
- Il-poplu qagħad hemm IĦARES bla ma għamel xejn biex jirrikonoxxi li Ġesu’ huwa l-Iben t’Alla li kien qiegħed jinqatel bla ħtija
- Il-kapijiet tal-poplu bdew JIDDIEĦKU BIH u jiċċalinġjawh li juri li hu Alla;
- Is-suldati wkoll bdew IGĦADDUH BIŻ-ŻMIEN u offrewlu inbid qares;
- Il-ħalliel il-ħażin jirrikonoxxi l-poteri li kellu Ġesu’ u għadu jaħseb li kollox idur madwaru;
Ġesu’ jibqa’ sieket quddiem dawn l-offiżi kollha, imma l-mument li ruħ fehmet li huwa ġie fid-dinja biex isalva lil bnedmin mid-dnub, ĠESU’ JAGĦTI L-MAĦFRA u jagħtih kelma li lanqas lill Ommu Marija, imbikkma taħt is-salib ma ta: “Tassew ngħidlek, illum tkun il-Ġenna miegħi”.
Aħna ma’ liema kategorija naqgħu?
Mal-poplu ? mal-kapijiet ? Mas-suldati ? mal-ħalliel il-ħażin jew mal-ħalliel (it-tajjeb) ?