V … Imsaħħin mill-Kelma t’Alla li qed tħeġġiġna biex nagħmlu l-ħila u ma nibżgħux għax Hu ġej biex isalvana, inpoġġu f’riġlejh it-talbiet tagħna.
1. Kun mal-Knisja tiegħek Mulej, biex qalb it-tiġrib tad-dinja, tirrifletti lilek u l-ferħ li jiġi minnek. Nitolbu
2. Kun mal-mexxejja tad-dinja, biex jaqdu dmirhom bil-ġustizzja u jfittxu dejjem il-ġid ta’ dawk li huma l-iktar dgħajfa fis-soċjetà. Nitolbu
3. Ħu ħsieb dawk li jħossuhom f’xi ħabs minħabba ċ-ċirkustanzi li jinsabu fihom, u ibagħtilhom persuni li jwasslulhom l-aħbar it-tajba tal-imħabba tiegħek għalihom. Nitolbu
4. Iftħilna għajnejna biex verament nagħrfu kemm inti qrib tagħna u nqawwu qalbna bil-miġja tiegħek. Nitolbu
V … Ilqa’, Mulej, dawn it-talbiet tagħna u agħtina dak li hu ta’ ġid għalina skont ir-rieda tiegħek. Bi Kristu Sidna.