Kitba ta’ Joe Galea
Din il-‘Puer Natus’, li din is-sena smajtha kemm fil-Kwaranturi tas-Santwarju tal-Karmnu u fil-Quddiesa mill-Katidral tal-Madonna tal-Għoqiedi, xtaqt li nsib kliem bil-Malti għaliha u ppruvajt li jkun b’mod li jista’ jitkanta tajjeb. Tant hu innu sabiħ, li ta’ min nitgħallmuh għall-Milied tas-sena d-dieġla.
Din il-‘Puer Natus’ Gregorjana tidher monotona, stil ta’ kant monastiku, ilħna ta’ rġiel biss. Twassal sas-sekli 13 u 14. Fiha 14-il vers qosra, bil-Latin u f’kull vers hemm 4 ‘Alleluia’. Ir-ritornell jistedinna biex “bil-ferħ f’qalbna naduraw b’għanja ġdida lil Kristu li twieled”.
Fejn hemm ‘Alleluia Alleluia’ fiha noti tassew sbieħ u jidħlu f’qalbek. Kont semmejt li f’dal- jiem l-‘Alleluia Alleluia’ ta’ din il-‘Puer Natus’ il-ħin kollu miegħi, bħal meta ngħidu, “qalbek tfur għal xi waqtiet”.
PUER NATUS IN BETLEHEM
1 F’Betlem twieled tarbija f’għar, Alleluia.
Ifraħ, thenna, Ġerusalemm!
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
2 L-Iben ta’ Alla il-Missier, Alleluia.
Sar mill-għoli wieħed minna.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
3 Bit-taħbira ta’ Gabrijel, Alleluia.
Verġni welldet it-Tarbija.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
4 Bħal għarus li riesaq qrib, Alleluia.
Joħroġ mll-ġuf ta’ Marija,
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
5 Dak li jsaltan fis-smewwiet, Alleluia.
Hemm f’maxtura mal-art mistrieħ
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
6 Baqra u ħmara li hemm fil-għar, Alleluia.
Raw lil Alla f’dik it-tarbija
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
7 Lir-ragħajja l-anġlu qal, Alleluia.
Jgħaġġlu jmorru lejn it-Tarbija.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
8 U rejjiet minn art ‘il bogħod, Alleluia.
Mil-Lvant ġabulu r-rigali.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
9 Offrew mirra inċens u deheb, Alleluia.
Biex iqimu lir-Re Divin.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
10 Ġie fid-dinja bla misser, Alleluia.
Taħt id-dell tal-Ispirtu s-Santu.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
11 Kien meħlus mis-serp qarrieq, Alleluia.
Biex jifdina b’demmu l-għażiż.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
12 Bħalna dgħajjef għalina sar, Alleluia.
Ħuna f’kollox mingħajr id-dnub.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
13 F’dan it-twelid qaddis, Alleluia.
Inroddu ħajr lil Alla.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.
14 Infaħħru lit-Trinita, Alleluia.
Lil Alla ngħidu grazzi.
Alleluia, Alleluia.
Bil-ferħ f’qalbna naduraw,
Inkantaw lil Kristu mwieled
B’din l-għanja ġdida.