Intemm il-Forum Internazzjonali taż-Żgħażagħ

Tirraporta minn Ruma Jennifer Cauchi

Hekk kif il-Ħdax-il Forum Internazzjonali taż-Żgħażagħ organizzat mid-Dikasteru tal-Lajċi, il-Familja u l-Ħajja wasal fi tmiemu, l-aħħar ġurnata qabel it-tluq ta’ ’l fuq minn 250 żagħżugħ u żagħżugħa lura għall-pajjiż tagħhom madwar id-dinja kollha, bdiet biċ-ċelebrazzjoni tal-quddiesa fil-Bażilika ta’ San Pietru, il-Vatikan. Il-quddiesa ġiet immexxija mill-Kardinal Kevin Farrell, Prefett tad-Dikasteru. Huwa qal lill-parteċipanti li l-ħajja ddur mal-laqgħa personali ma’ Ġesù Kristu. Aħna msejħa nxandru fid-dinja l-Qawmien ta’ Sidna Ġesù Kristu, imma kif nistgħu nagħmlu dan jekk ma nkunux iltqajna miegħu? Continue reading “Intemm il-Forum Internazzjonali taż-Żgħażagħ”

It-Tielet Jum fil-Forum Internazzjonali taż-Żgħażagħ

It-Tielet Jum – Il-Ġimgħa 21 ta’ Ġunju 2019.

Tirraporta minn Ruma Jennifer Cauchi

It-tielet u l-aħħar ġurnata tal-Forum Internazzjonali taż-Żgħażagħ kienet dwar il-kontribuzzjoni taż-żgħażagħ b’risq Knisja Sinodali. Wara t-talba ta’ filgħodu, Patri Rossano Sala sdb, Segretarju speċjali tas-Sinodu taż-Żgħażagħ, tkellem dwar it-tranżizzjoni mill-ħolm għad-deċiżjonijiet u kif iż-żgħażagħ għandhom jiġu akkumpanjati fil-mixja vokazzjonali tagħhom. Continue reading “It-Tielet Jum fil-Forum Internazzjonali taż-Żgħażagħ”

It-Tieni Jum tal-Forum taż-Żgħażagħ f’Ruma

It-Tieni Jum – Il-Ħamis 20 ta’ Ġunju 2019.  
Tirraporta minn Ruma Jennifer Cauchi

It-tema tat-tieni jum tal-Forum Internazzjonali taż-Żgħażagħ f’Ruma kienet iċċentrata fuq il-Christus vivit, il-quċċata tas-Sinodu taż-Żgħażagħ. Il-jum beda b’Lectio Divina: “għajnejhom infetħu” (Lq 24:31), b’riflessjoni mill-Prof. Rosalba Manes, għalliema fit-Teoloġija Biblika li semmiet kif Ġesù, li kien barrani għad-dixxipli ta’ Għemmaws peress li ma għarfuhx, mexa magħhom f’mument li kienu għaddejjin minn diżappunt kbir.Ġesù akkumpanjahom u semagħhom, tant li stednuh biex jibqa’ magħhom, xi ħaġa li fl-Orjent, meta persuni jieklu flimkien madwar mejda, tfisser li huma familja jew ħbieb. Continue reading “It-Tieni Jum tal-Forum taż-Żgħażagħ f’Ruma”

Żgħażagħ jirriflettu dwar Christus Vivit

Forum Internazzjonali taż-Żgħażagħ. Tiktibilna minn Ruma Jennifer Cauchi

Matul dawn il-jiem, fiċ-Ċentru Il Carmelo f’Ciampino, Ruma, ’il fuq minn 250 żagħżugħ u żagħżugħa minn madwar id-dinja kollha qed jipparteċipaw fil-11-il Forum Internazzjonali organizzat mid-Dikasteru tal-Lajċi, il-Familja u l-Ħajja. Continue reading “Żgħażagħ jirriflettu dwar Christus Vivit”