Il-Papa se jżur il-Marokk


Il-Ġimgħa 16 ta’ Novembru 2018: Id-Direttur tas-Sala Stampa tas-Santa Sede, Greg Burke, ħabbar li l-Papa Franġisku se jżur il-Marokk mit-30 sal-31 ta’ Marzu li ġej.

Matul il-vjaġġ Appostoliku l-Papa se jżur il-bliet ta’ Rabat u Casablanca. Greg Burke qal li din id-deċiżjoni ttieħdet bi tweġiba għal stedina li saret mir-Re Mohammed VI u l-Isqfijiet Kattoliċi tal-Marokk.