Il-Papa Franġisku kien ħabbar li mis-6 sas-27 ta’ Ottubru ta’ din is-sena se jsir Sinodu għall-Amażonja.
Bħala preparazzjoni għas-Sinodu ġie pubblikat dokument li fih jispikka l-bżonn ta’ metodi ġodda ta’ evanġelizzazzjoni minħabba d-diffikultajiet kbar f’dan ir-reġjun. Pero’ xi persuni f’karigi għolja tal-Knisja qed jagħfsu biex fis-Sinodu tingħata importanza lill-proposta biex irġiel miżżewġa u maturi jkunu jistgħu jiġu ordnati saċerdoti ħalli jaqdu f’naħat remoti. Il-Papa jqis li s-Sinodu se jkun “iben il-Laudato Si”, enċiklika soċjali li tistieden għall-kura tal-ħolqien.
https://catholicherald.co.uk/magazine/the-amazon-synod-organisers-are-at-odds-with-pope-francis/
Rapport minn Joe Galea