Jum Dinji tar-Rifuġjati: 79.5 miljun persuna sfurzati jaħarbu minn djarhom
Madwar 80 miljun persuna madwar id-dinja ġew sfurzati jħallu djarhom. Fosthom hemm miljuni ta’ rifuġjati, u aktar minn nofshom huma ta’ eta’ inqas minn tmintax-il sena, skont il-Ġnus Magħquda.
Fil-preżenti hemm miljuni ta’ nies li huma meqjusa ‘bla pajjiż’. Mingħajr nazzjonalita’ legali, ma jkollhomx aċċess għall-edukazzjoni, għas-saħħa u għax-xogħol u lanqas il-possibilta’ tal-liberta’ tal-vjaġġ minn post għal ieħor.