Il-Ħadd wara nofsinhar, il-Papa Franġisku tkellem bit-telefon mal-President tal-Istati Unit, Joe Biden. Skont l-Uffiċċju Stampa tas-Santa Sede, l-konversazzjoni damet madwar 20 minuta. L-Papa u l-President tkellmu dwar “sitwazzjonijiet ta’ kunflitt fid-dinja u l-ħtieġa li jiġu identifikati toroq għall-paċi”.
Aktar kmieni, l-Ħadd, il-Papa Franġisku ġedded l-appelli tiegħu għall-paċi u t-trażżin fil-gwerra fl-Art Imqaddsa. “Ninsab imħasseb ħafna, mnikket,” qal fit-talba tal-Angelus. “Nitlob u qiegħed qrib dawk kollha li qed ibatu, l-ostaġġi, l-midruba, l-vittmi u l-familji tagħhom”. Huwa lmenta bis-sitwazzjoni umanitarja li qed tmur għall-agħar f’Gaża; kif ukoll dwar l-isplużjonijiet fl-isptar Anglikan u l-parroċċa Griega Ortodossa.
“Inġedded l-appell tiegħi biex jinfetħu spazji, biex tkompli tasal l-għajnuna umanitarja u biex jinħelsu l-ostaġġi”.
Fakkar ukoll fil-gwerra li għaddejja mir-Russja “fl-Ukrajna martri”. “Kull gwerra li għaddejja fid-dinja – naħseb ukoll fl-Ukrajna martri,” kompla l-Papa, “hija telfa. L-gwerra dejjem hija telfa, hija qerda tal-fraternità. Ħuti, ieqfu! Ieqfu!”.
L-Erbgħa, 18 ta’ Ottubru, l-President Biden għamel żjara qasira f’Tel Aviv, biex ifittex ftehim li jippermetti xi għajnuna umanitarja tidħol f’Gaża mill-Eġittu. Huwa esprima wkoll l-appoġġ għall-Iżrael wara l-attakk sorpriża tal-Ħamas fuq Iżrael fis-7 ta’ Ottubru, li qatel mill-inqas 1,400 ruħ. Is-Sibt bdew deħlin f’Gaża ammonti limitati ta’ għajnuna umanitarja, għalkemm il-Ġnus Magħquda qalet li l-għajnuna tirrappreżenta “qatra fl-oċean ta’ bżonnijiet immensi f’Gaża”.
Għal aktar tagħrif idħol fuq is-sit: https://www.vaticannews.va/en/pope/news/2023-10/pope-francis-phone-call-usa-president-biden-peace.html