V … Il-Missier iżomm kelmtu u jħenn lejn kull min jersaq lejh. Imqanqlin miċ-ċertezza li jisma’ u jagħti kas min jitolbu, ejjew inressqu quddiemu l-ħtiġijiet tagħna.
1. Kun mal-Knisja tiegħek hija u tfakkarna biex nilqgħu l-istedina ta’ Ibnek u nfittxu li ngħaddi mill-bieb id-dejjaq. Nitolbu
2. Kun mas-setgħanin tal-art biex jagħrfu jagħżlu dejjem dak li hu sewwa u li jixraq quddiemek. Nitolbu
3. Kun ma’ dawk il-bnedmin li għaddejjin minn żminijiet diffiċli minħabba gwerer jew diżastri naturali. Nitolbu
4. Kun magħna lkoll biex nemmnu iżjed li dak li nagħmlu mal-proxxmu tagħna inkunu qed nagħmluh ma’ Ibnek. Nitolbu
V … Missier, aħna qegħdin nippruvaw nimxu fid-dawl tal-ħarsa tiegħek. Agħtina dejjem il-ferħ ta’ min iġarrab il-ħniena u l-imħabba tiegħek. Bi Kristu Sidna.