Kristu huwa ħaj

Kitba ta’ Patri Juan De Bono ocd

Ġesu’ huwa biss Profeta ?

Id-dinja tgħidilna li Ġesu’ hu biss Profeta li l-insara jgħidu li qam mil-mewt.

L-Irxoxt hija statwa u festa sabiħa, parti mil-folklor tagħna, bil-banda ddoqq u li fiha tiekol xi biċċa figolla tajba jew xi biċċa colomba, imma xejn aktar minn hekk. Ma tonqos il-ġirja tradizjonali bl-istatwa, tradizjoni marbuta biss ma din il-Festa.

Ġesu’ hu veru Alla u veru bniedem
Imma Ġesu’ Kristu mhux sempliċi Profeta, jiġifieri Ġesu’ Kristu mhux sempliċi l-mibgħut ta’ Alla li jwasslilna l-messaġ ta’ Alla, Ġesu’ Kristu huwa t-Tieni Persuna tat-Trinita’, li għadha ĦAJJA, u li għadu magħna waqt kull ċelebrazjoni Ewkaristika. L-aħħar kliem tiegħU qabel tela’ s-Sema kienu: ‘Ara jiena MAGĦKOM SAL-AĦĦAR TAŻ-ŻMIEN’.

Malli mmutu mhux biss mhux se jispċċa kollox, talli aħna se niltaqgħu ma’ dan Kristu l-ĦAJ.

X’SORPRIŻA SE TKUN GĦAL DAWK LI MA GĦIXUH ĦAJJITHOM MA’ ĠESU’ L-IMQAJJEM MIL-MEWT.

Jekk Ġesu’ huwa veru Alla, mela l-Kelma tiegħU mhix sempliċement Kelma ta’ bniedem

Kemm insara li jistqarru li huma nsara, imma għadhom sallum jgħixu fi stat ta’ dnub mejjet għax baqgħu jsegwu l-Quddiesa minn fuq it-Televiżjoni saħansitra fil-jum tal-Ħadd, anki jekk huma mimlijin saħħa. Jafu dawn li l-Covid ma’ għadhiex pandemija, u li nistgħu niltaqgħu fi knejjes ? X’xalata qiegħed jagħmel id-demonju b’dawn l-erwieħ mifdija mid-demm ta’ Ġesu’ Kristu, u b’ħafna erwieħ oħra.

X’ĦAJJA MOĦLIJA DAWN SE JISKOPRU LI KELLHOM META JIDHRU QUDDIEM ALLA.

THEIR LOVE OF A LIFETIME KIEN ĦAJ U GĦIXUH DAQSLIKIEKU KIEN MEJJET.