Il-Ġermanja se toħroġ set ta’ linji-gwida għas-servizzi reliġjużi fi żmien il-pandemija tal-coronavirus, b’lista ta’ restrizzjonijiet fosthom li ma jkunx hemm kor tal-kant fil-knejjes.
Infetħu ħwienet żgħar, bħal dawk fejn isewwu r-roti u garaġijiet għall-ħasil tal-karozzi imma l-knejjes għadhom magħluqin. Mexxejja reliġjużi esprimew l-importanza tal-għixien spiritwali għal ħafna nies f’dan iż-żmien. Il-kundizzjoni li ma jkunx hemm kant flimkien fil-knejjes hi minħabba n-numru konsiderevoli ta’ infezzjonijiet f’membri ta’ xi korijiet.
Rapport għal-Laikos minn Joe Galea