Il-Ħamis, 12 ta’ Ottubru, fil-Brażil ġiet iċċelebrata l-festa tal-Madonna ta’ Aparecida, l-qaddisa patruna tan-nazzjon. Biex jimmarka l-okkażjoni, l-Papa Franġisku ħa pawsa mill-Assemblea Ġenerali li għaddejja bħalissa biex jitlob għall-poplu Brażiljan. “Fil-festa tal-Madonna ta’ Aparecida, li jien nġorrha f’qalbi. Niftakar ħafna fil-belt u fil-Verġni Marija,” qal il-Papa Franġisku.
F’messaġġ bil-vidjo li ġie rrekordjat fis-Sala Pawlu VI, l-Papa qal: “Alla jberikna, u hi tħares fuqkom u fuq il-poplu kollu tal-Brażil”. Il-Papa Franġisku żied jgħid, “Nitlob għalikom, u nagħtikom il-barka tiegħi”. L-Qdusija Tiegħu stieden ukoll lill-Brażiljani biex jitolbu għalih, u qalilhom: “Jekk jogħġobkom, itolbu għalija”.
Il-Papa Franġisku kien mar pellegrinaġġ fis-Santwarju ta’ Aparecida, f’Lulju tal-2013, waqt il-Jum Dinji taż-Żgħażagħ, f’Rio de Janeiro. Dakinhar, wara li talab f’riġlejn il-Madonna, qal, “Kelli l-ferħ u l-grazzja li nafda l-pontifikat tiegħi f’idejha”.
Skont it-tradizzjoni, t-tifkira famuża tal-Madonna ta’ Aparecida, Verġni Marija ta’ kannaġor skur, instabet minn tliet sajjieda Brażiljani foqra fit-12 ta’ Ottubru 1717 qrib xmara madwar 170 kilometru minn Sao Paulo. Skont it-tlett irġiel, wara s-sejba tal-immaġini, b’mod misterjuż bdew jaqbdu kwantitajiet kbira ta’ ħut.
Waqt l-ewwel Vjaġġ Appostoliku tiegħu barra Ruma, għat-28 Jum Dinji taż-Żgħażagħ, il-Papa Franġisku ċċelebra Quddiesa fil-Bażilika tas-Santwarju tal-Madonna ta’ Aparecida. F’din l-okkażjoni, huwa għamel Att ta’ Konsagrazzjoni li fih talab lill-Verġni Marija “biex ixerred grazzji fuq il-Brażil kollu”.
Għal aktar tagħrif idħol fuq is-sit: https://www.vaticannews.va/en/pope/news/2023-10/pope-francis-prays-for-brazil-of-on-our-lady-of-aparecida-feast.html