“Bħalma niftakru fit-talb f’dawk li mietu fiż-żewġ Gwerer Dinjija, ejjew niftakru wkoll fil-ħafna – wisq – ċivili, vittmi bla difiża tal-gwerer li sfortunatament għadhom itebbgħu l-pjaneta tagħna bid-demm”.
Dan kien il-kliem tal-Papa Franġisku fi tmiem l-Udjenza Ġenerali tiegħu tal-Erbgħa, li rrifletti dwar il-Jum Nazzjonali tal-Vittmi tal-Gwerra Ċivili tal-Italja. “Jalla l-għajta mnikkta tal-vittmi tmiss il-qlub ta’ dawk inkarigati min-nazzjonijiet u tqajjem proġetti għall-paċi”, żied jgħid. “Meta taqra stejjer ta’ dak li qed jiġri fil-gwerra llum” qal il-Papa, “hemm daqshekk moħqrija, tant. Ejjew nitolbu l-paċi lill-Mulej, għax hu dejjem ħelu, qatt krudili”.
Aktar kmieni fl-udjenza, fl-indirizz tiegħu lill-pellegrini li jitkellmu bil-Pollakk, il-Papa Franġisku nnota li “bdejna s-Sena l-Ġdida bi stedina biex nibnu l-paċi fid-dinja, f’artkom, fil-familji tagħkom, f’qalbkom.” “Ftakru li l-paċi tista’ tinbena biss fuq il-verità,” saħaq il-Papa. “Jalla t-tħassib għall-ġid komuni, l-kontroll tajjeb tar-rabja, u l-maħfra reċiproka jgħinukhom tibnu ċ-ċiviltà tal-imħabba fis-sitwazzjoni preżenti tagħkom.”
Il-Papa Franġisku ilu jsejjaħ għal waqfien mill-ġlied u għall-għajnuna umanitarja f’Gaża mid-29 ta’ Ottubru. Huwa appella għall-paċi fl-Ukrajna fi kważi kull Udjenza Ġenerali minn mindu bdiet il-gwerra hemmhekk.
Għal aktar tagħrif idħol fuq is-sit: https://www.vaticannews.va/en/pope/news/2024-01/pope-francis-peace-israel-palestine-middle-east-ukraine.html