V … Imsaħħin mill-wegħda li tana Ġesù fl-Evanġelju li “xagħra waħda minn raskom ma tintilifx”, ejjew inressqu t-talb tagħna lill-Missier filwaqt li nitolbuh iżommna sħaħ sal-aħħar.
1. Għall-Knisja mxerrda mad-dinja biex ma tieqaf qatt tfakkar lill-bnedmin fis-sema pajjiżhom. Nitolbu
2. Għal dawk li għandhom ir-responsabbiltà fit-tmexxija tal-ġnus, biex ikunu strumenti tal-verità. Nitolbu
3. Għal dawk li jinsabu fil-ħabsijiet minħabba t-twemmin tagħhom biex jitħaddnu mill-preżenza tiegħek li takkumpanjahom. Nitolbu
4. Għalina, biex nintelqu f’idejk u nagħrfu li minna tistenna li nagħtu xhieda tiegħek. Nitolbu
V … Missier, eħlisna minn kull deni u ddaħħalniex fit-tiġrib aħna u nistennew il-miġja ta’ Kristu Sidna Ibnek li miegħek u mal-Ispirtu jgħix u jsaltan għal dejjem ta’ dejjem.