Ħarġa Nru 1080
Ir-Rivista Il-Ħajja f’Għawdex f’din il-ħarġa tfakkar il-mibki Leli tal-Melħ, li għal aktar minn nofs seklu ħadem fis-salini tax-Xwejni, f’artiklu li jħares lejn il-ħajja u s-sengħa tiegħu. Naqraw ukoll dwar il-proġetti ta’ restawr fir-Rotunda tax-Xewkija, kif ukoll dwar l-istaġun kulturali sajfi li reġa’ kkonferma lil Għawdex bħala ċentru kulturali. L-istoriku Dr Joseph Bezzina jikteb dwar it-Tiġrija ta’ Santa Marija tal-1626, filwaqt li Michael Debono jkompli s-sensiela dwar San Ġorġ Preca u r-rabta tiegħu ma’ Għawdex, bit-tielet puntata intitolata “Imma tgħid veru hu?”.
