Il-ħarġa ta’ Awwissu-Settembru 2023 tar-Rivista Il-Ħajja f’Għawdex tfakkar bosta anniversarji importanti fil-gżira: l-400 sena mit-twaqqif mill-ġdid tal-Kapitlu Katidral, il-50 mill-inkurunazzjoni tal-Bambina fix-Xagħra, u s-60 mit-twaqqif tal-Victoria Scout Group. Is-sajf bħas-soltu mimli b’ħafna avvenimenti kulturali, li r-Rivista tipprova tagħti ħjiel tagħhom b’rapporti bħal dak dwar il-wirja prestiġjuża fuq Francesco Zahra fil-Mużew Il-Ħaġar. Tista’ taqra wkoll dwar l-Akwedott ta’ Għawdex, li beda r-restawr fuqu, u ‘ritratt’ ta’ erba’ sekli ilu taċ-Ċittadella l-ġdida li jsebbaħ ukoll il-qoxra ta’ din il-ħarġa.
aktar