“Dak li ma jħobbx ma għarafx lil Alla, għax Alla hu mħabba” (1 Ġw 4, 8).
San Ġwann kiteb l-ewwel ittra tiegħu lill-komunità ta’ Nsara fl-Asja Minuri biex jagħmlilhom il-qalb ħalli jerġgħu jiffurmaw komunità waħda, għax fosthom kellhom x’jifridhom. L-awtur qed iħeġġiġhom biex iżommu quddiem għajnejhom dak li “sa mill-bidu” tħabbar fil-predikazzjoni Nisranijia. Hu jtennilhom dak li l-ewwel dixxipli kienu raw, semgħu u messu b’idejhom meta kienu għadhom jgħixu mal-Mulej, biex anki din il-komunità tkun tista’ terġa’ tingħaqad ħaġa waħda flimkien, u għalhekk anki ma’ Ġesù u l-Missier 1.
aktar