Il-Papiet, sal-Papa Emeritu Benedittu XVI, kienu jgħaddu l-vaganzi tas-sajf f’Castel Gandolfo. Billi l-Papa Franġisku ddeċieda li fis-sajf jibqa’ fil-Vatikan, l-awtoritajiet tal-Vatikan kellhom jaħsbu kif se jużaw ir-residenza l-aktar għax in-nuqqas ta’ preżenza tal-Papa naqqset il-popolarita’ tal-post. Issa qed jistiednu għal ideat dwar x’se jagħmlu bix-Chalet fil-hamlet żgħir ta’ Les Combes d’Introd, fin-nord tar-reġjun Taljan ta’ Val d’Aosta, taħt l-Alpi. Il-Papa San Ġwanni Pawlu II kien mar 10 darbiet hemmhekk u l-Papa Emeritu Benedittu XVI 3 darbiet.