Tinħeles Swor Glorja

Print Friendly, PDF & Email

Ferħ kbir inħass hekk kif tħabbar li s-soru Kolombjana tal-Ordni Franġiskan Glorja Narvaez inħelset mill-ħtif li kienet esperjenzat erba’ sniin ilu.  L-istqarrija uffiċjali toħroġ mill-presidenza tal-Mali li faħħret il-kuraġġ  u l-qlubija tagħha. 

Swor Glorja f’laqgha mal-Papa Fran[isku, nhar il-Ħadd ta’ Ottubru 2021.

Swor Glorja kienet inħatfet minn gwerriera Ġiħadi nhar is-7 ta’ Frar 2017 f’Koutiala, qrib il-border ma’ Birkina Faso, 400 kilometru bogħod mill-kapitali tal-Mali.  Inżammet għal erba’ snin u tmien xhur.

L-Arċisqof ta’ Mumako Jean Zerbo jikkonferma li Swor Gloria tinsab tajba u qawwija u sħiħa.  Hu qal: ‘Inrodd ħajr lill-awtoritajiet u n-nies ta’ rieda tajba li ħelsiha.  Tlabna ħafna għal din il-ġurnata’. 

Żewġ Ewropej ħarbu s-sena l-oħra, ikkonfermat Swor Glorja. Imbagħad f’Marzu, ħuha rċieva ittra mis-Salib l-Aħmar, miktuba u ffirmata minnha.  Fit-tramuntana tal-pajjiż bħalissa għaddej ħafna inwkiet minħabba ġellieda Iżlamiċi.  Dan il-pajjiż huwa eks-kolonja Franċiża.  Swor Gorja ltaqgħet mal-President tal-Mali Assimi Goita. 

Swor Glorja

Ritratt juriha qed titbissem u b’idejha miġburin fit-talb.  Nhar il-Ħadd imbagħad Papa Franġisku ltaqa’ magħha fil-Vatikan.  Il-laqgħa tagħhom saret qabel il-Quddiesa li fetħet il-proċess sinodali fil-Bażilika Vatikana.

Rapport għal-Laikos minn Fr Geoffrey G. Attard.

Author: Joe Farrugia

Segretarjat għal-Lajċi.