Il-Papa Franġisku esprima l-qrubija tiegħu lejn il-Poplu Kuban u l-maħbubin ta’ dawk milquta min-nirien enormi li ħerġin mis-Supertanker ta’ Kuba f’Mantanzas, li seħħ fi tmiem il-ġimgħa. In-nirien bdew nhar il-Ġimgħa filgħaxija wara li sajjetta laqtet tank tal-ħażna tal-fjuwil f’depot f’Mantanzas. Is-Sibt filgħodu, n-nar infirex għat-tieni tank tal-ħażna, u wassal għal aktar splużjonijiet.
Sal-Ħadd, Kuba dehret li għamlet xi progress biex iġġib in-nirien taħt kontroll, bl-għajnuna ta’ timijiet speċjali mibgħuta minn pajjiżi oħra. Skont rapporti tal-aħbarijiet, mill-inqas persuna waħda mietet, 17-il pompiet huma neqsin u 121 persuna weġgħu fin-nirien.
Nhar it-Tnejn, is-Segretarju tal-Istat tal-Vatikan, il-Kardinal Pietro Parolin, wassal is-sentimenti tal-Papa f’ telegramma indirizzata lill-president tal-Konferenza Episkopali ta’ Kuba. Il-Qdusija Tiegħu qed isegwi mill-qrib l-aħbar dwar l-inċident sfortunat li kkawża nirien u diversi spluzjonijiet fil-bażi tas-Supertanker ta’ Matanzas, b’mill-inqas persuna waħda mejta u bosta oħra midruba u nieqsa.
Huwa assigura wkoll lill-poplu Kuban u lill-familji ta’ dawk milquta mill-qrubija spiritwali tiegħu, u talab lill-Mulej “biex jagħtikom is-saħħa f’dan il-mument ta’ wġigħ biex isostnu l-ħidma tat-tifi tan-nar u t-tfittxija għal dawk neqsin”. “B’dawn is-sentimenti”, taqra t-telegramma, l-Papa “jagħtikom barka appostolika ta’ faraġ mill-qalb, bħala rahan ta’ tama fi Kristu Rxoxt”.
Għal aktar tagħrif idħol fuq is-sit: https://www.vaticannews.va/en/pope/news/2022-08/pope-cuba-matanzas-supertanker-port-fire-death-telegram-parolin.html